مراحل شراء السيارة المستعملة 

اليوما غنهضرو على موضوع مهم 

  مراحل شراء السيارة المستعملة : ⭕

1- كتقلب اوراق السيارة مزيان خصوصا البطاقة الرمادية و لافيزيت و الضريبة و كتشوف واش الاسم ديال البائع هو لي كاين في اوراق السيارة كلهم و واش المعلومات ديال السيارة صحاح، خود وقتك و البائع لي غادي يبغي يزربك عرفو مخلوض،. كاع داكشي ديال الوكالة و التكليف و مول السيارة مسافر...الخ من الأحسن غير بعد منو.

2- كدخل لهاد الموقع لي دايراه الدولة، و كدخل المعلومات ديال السيارة و كاتشوف واش مافيهاش حجز، او مشكل، او سرقة.... الخ

‏

الاطلاع على وضعية انتقال ملكية السيارات

3 - كتدي السيارة عند ميكانيك و طولوري و دوّر معاه مزيان باش يقلب ليك السيارة واش مافيهاش مشكل أو فايت دارت حادث.. وياكما الكيلومتراج منقوص.. 

4- كتمشي لأقرب بنك ليك ولا شي وكالة تحويل الأموال و تسول علي السيارة واش مخلصة كلشي السنوات ديالها ليكون التوصيل الأخير ديال الخلاص مزوّر.. 

5- كدير لافيزيت فالبلاصة لي بغيتي انتا ماشي لي باغي هو.. و انتا لي كتخلص.

6- كتكاتب مع البائع و كتاخد من عندو السويرتات و البطاقة الرمادية و كتعطيه فلوسو، و تيوصلك بالطموبيل لي شريتي فين بغيتي حيت هو لي عندو التأمين فسميتو.. 

7- كتمشي عند سيرفيس ديمين دفع الملف في أقرب وقت، حاول ماتفوتش شهر.. 

8- كتصاوب التأمين ديالك و كتحرك مع راسك بالسيارة.. 

الى تبعتي هاد المراحل، غادي تفادا واحد العدد كبير ديال النصابة و المشاكل

منقول عن ديب ويب مروك

Deep web maroc  

الى عندك ما ضيف خليه لتحت فتعليق 👇